SKËNDERBEU/ Ja kur vjen sulmuesi Sokol Kiqina. Gjini shënon golin e parë si bardhekuq

Edhe 20 ditë kanë mbetur deri në startin e kategorisë së parë, ndërkohë që Skënderbeu është në pritje të afrimeve të tjera verore dhe ndoshta mund të kemi edhe ndonjë shitje tjetër deri në fund.

Pra, lëvizjet janë të shumta te bardhekuqtë teksa kujtojmë se vetëm ditën e djeshme ka qenë portali ynë që zbuloi dy afrimet e reja te bardhekuqtë. Bëhej fjalë për Sokol Kiqina dhe Renato Gjini, dy afrimet më të reja te Skënderbeu.

Ndërkohë që Renato Gjini ndodhet në Korçë dhe dje shënoi golin e parë me fanelën bardhekuqe edhe pse ishte vetëm një ndeshje miqësore, në pritje është mbëritja e sulmuesit tjetër Sokol Kiqina.

Sulmuesi kosovar që tashmë ka veshur fanelën e Skënderbeut pritet që sot në mbrëmje të jetë në juglindje dhe nesër, të hënë, në seancën e parë të javës të jetë nën urdhërat e trajnerit Ernest Gjoka.

Dy mesfushorë dhe dy sulmues ka afruar Skënderbeu deri në këto momente, ndërkohë që priten të tjera afrime deri në fundin e merkatos.

Përsa i përket startit nuk është i largët pasi 23 gushti është më prag dhe skuadra ka “ndezur motorët” pasi është kulmi i përgatitjeve dhe Skënderbeu duhet të jetë gati qysh në javën e parë, ku më 23 gusht do të presë Burrelin në stadiumin “Skënderbeu”.

4 blerjet zyrtare të Skënderbeut deri tani:

Greqi

Renato Gjini (sulmues) 24-vjeç

100 mijë euo sipas transfermarkt

Kosovë

Sokol Kiqina (sulmues) 23-vjeç

100 mijë euro sipas transfermarkt

Niger

Salim Abubakar (Mesfushor i majtë) 22-vjeç

25 mijë euro sipas transfermarkt

Gana

Baba Hamadu Musa (Mesfushor) 23-vjeç

150 mijë euro sipas transfermarkt

“KORÇA BOOM”