SKËNDERBEU/ Java e 4-t vjen shpejt. Ja kur luhen ndeshjet e javës pasardhëse, datat dhe oraret!
- Korca Boom
- Sep 13
- 1 min read
Java e tretë ka vetëm pak orë që ka përfunduar, ndërkohë që sjellim në këto momente të gjitha ndeshjet e javës së 4-t që vjen javën e ardhshme dhe që do të luhet e ndarë në dy ditë, të premten e datës 19 shtator dhe të shtunën e datës 20 shtator.
Përballja që spikat në javën e ardhshme është ajo që luhet vetëm pak kilometra larg Korçës dhe pikërisht në Pogradec. Derbi i Prefekturës Pogradeci-Skënderbeu do të hapë javën e 4-t me ndeshjen e së premtes dhe që do të startojë në orën 16:00. Një nga përballjet ku të dy skuadrat do të kërkojnë fitoren dhe kjo padiskutim që e bën edhe më të bukur këtë takim të 19 shtatorit.
Po të premte luhen edhe dy ndeshjet e tjera, ku Burreli pret Besën dhe Laçi pret Korabin.
Të shtunën në të njëjtën orë luhen 3 ndeshjet e fundit, ku Iliria do të presë Kukësin, Apolonia në Fier pret Kastriotin dhe Luftëtari do të jetë mysafir në Lushnjë.
Më poshtë sjellim 6 çiftet e javës së 4-t të kategorisë së parë:
Java 4 Kategoria e Parë
19 shtator 2025 (E premte)
Ora:16:00 Pogradeci - Skënderbeu
Ora 16:00 Burreli - Besa
Ora 16:00 Laçi - Korabi
20 shtator 2025 (E shtunë)
Ora 16:00 Iliria - Kukësi
Ora 16:00 Apolonia - Kastrioti
Ora 16:00 Lushnja - AF Luftëtari
“KORÇA BOOM”



















