Skënderbeu-Korabi sot ora 17:00/ Ja shifrat dhe faktet e përballjeve mes tyre!

Sot në orën 17:00 në stadiumin “Skënderbeu” mysafir është Korabi skuadër që në fakt gjatë gjithë historisë së vet nuk njeh asnjë rezultat pozitiv me Skënderbeun, përveçse në ndonjë ndeshje Kupe.

Skënderbeu-Korabi janë ndeshur pak gjatë historisë së tyre, ndërkohë që në përballjet në kampionat, numërohen vetëm 4 ndeshje mes tyre në vitet 2016-2017, ku në të katër përballje mes këtyre dy skuadrave, Skënderbeu ka arritur të fitojë 4 herë dhe Korabi nuk ka arritur të marrë qoftë edhe një barazim.

Fitorja e fundit e Skënderbeut me Korabin ka qenë në nëntor të vitit 2017-të, pra fiks 9 vite më parë, ku Skënderbeu fitonte 3-0 me gola të Jashanicës, Salihit dhe Nimagës.

Skënderbeu ka fituar 0-1 në shkurt të 2017-ës në Peshkopi me golin e Salihit me 11-metërsh. Pra, Skënderbeu vetëm ka fituar nga Korabit dhe një tjetër e veçantë është se në historinë e përballjeve mes tyre, Korabi nuk ka arritur të shënojë asnjë gol ndaj Skënderbeut.

Të shohim sot në përballjen e javës së 10-të të kategorisë së parë, nëse historia do të përsëritet apo do të kemi një rezultat surprizë.

Statistikat e ndeshjeve mes tyre

15.04.2017 Skënderbeu-Korabi 3-0

06.02.2017 Korabi-Skënderbeu 0-1

20.11.2016 Skënderbeu-Korabi 1-0

11.09.2016 Korabi-Skënderbeu 0-2

“KORÇA BOOM”