Skënderbeu në emergjencë: Shaqe dhe Vaskuez jashtë, pritet debutimi i Ramos

Skënderbeu po përballet me vështirësi serioze në repartin e mbrojtjes, pasi mungesat e njëpasnjëshme kanë tronditur boshtin e skuadrës para ndeshjes së ardhshme në kampionat.

Në takimin ndaj Pogradecit, trajneri Ernest Gjoka kishte vendosur në qendër të mbrojtjes dyshen Randi – Vaskuez, por situata u komplikua kur ky i fundit pësoi një tërheqje muskulare dhe u detyrua të largohej nga fusha. Kjo e vuri teknikun në një pozitë të vështirë, duke e detyruar të improvizojë.

Gjoka zbriti Shaqen në qendër të mbrojtjes dhe hodhi në fushë Zenullarin në krahun e majtë, por fati nuk ishte me korçarët. Edhe Shaqe u dëmtua dhe, sipas burimeve pranë klubit, ka shumë gjasa që të mos jetë i gatshëm për ndeshjen e radhës.

Aktualisht, trajneri ka vetëm një alternativë të sigurt për qendrën e mbrojtjes: braziliani Ramos, i cili ishte jashtë grumbullimit në sfidën e fundit. Kjo ndeshje mund të shënojë rikthimin e tij, pasi trajneri duket se nuk ka më shumë zgjidhje në dispozicion për atë pozicion.

Mungesa e mbrojtësve titullarë e vendos Skënderbeun në një pozitë delikate, ndërkohë që sfidat në kampionat vijnë të njëpasnjëshme dhe pikët janë thelbësore për ecurinë e Skënderbeut.

“KORÇA BOOM”