Skënderbeu “peshkon” në Kanada një 18-vjeçar si zëvendësues të Saleh Nasr

Sulmuesi anësor i majtë Taryck “TJ” Tahid është futbollisti më i ri i Skënderbeut.

Lajmin e ka konfirmuar ish klubi i 18-vjeçarit në Kanada, Vancouver FC, e cila ka njoftuar se e ka lënë Taryck “TJ” Tahid të largohet drejt Skënderbeut, si një transferim i lirë, por ka mbajtur % të kartonit në rast të një shitje në të ardhmen.

Tahid nënshkroi në vitin 2023 për “Shqpionjat” në Kanada, duke u bërë lojtari më i ri ligës dhe në sezonin e parë arriti të shënonte 3 gola në 20 ndeshje të luajtura.

Por, dy sezonet pasardhëse nuk shkuan ashtu siç duhet, ku ka luajtur më pak se 250 minuta dhe duket se kjo e ka shtyrë 18-vjeçarin që të provojë një eksperiencë jashtë vendit.

Pavarësisht moshës së tij të re, Tahid e ka provuar veten jashtë tokës kanadeze edhe më parë, pasi ka qenë në provë te Villarreal, New York Red Bulls dhe FC Midtjylland.

I lindur në Kanada, por me kombësi nga Gana për shkak të babait të tij, 18-vjeçari ka pasur interes nga të dy kampet e ekipeve kombëtare.

Ai ka luajtur në dy ndeshje të plota për Ganën kundër Marokut në moshat U-20 dhe ka qenë edhe me ekipin e Kanadasë U-18 në Finlandë përpara se klubi i tij të njoftonte transferimin e tij në Shqipëri.

Ai më parë ka luajtur katër ndeshje për Kanadanë në nivelin e moshave U-17, duke përfshirë tre paraqitje në Kupën e Botës FIFA U-17 në vitin 2023.

Tahid bëri 46 paraqitje për Vancouver FC gjatë tre sezoneve të fundit, duke shënuar katër gola në pak më shumë se një mijë minuta lojë.

"Të gjithë në klub i urojnë atij gjithë të mirat në përpjekjet e tij të ardhshme", thuhet në një deklaratë nga Vancouver FC.

Tek Skënderbeu, Taryck “TJ” Tahid vjen si një talent dhe shihet si zëvendësuesi i mundshëm i Saleh Nasr, të cilit nuk i munguan ofertat nga klubet e tjera gjatë kësaj merkatoje.

Nga “shqiponjë” në “ujk”, mirëserdhe në Korçë Tahid dhe të urojmë më të mirat me fanellën bardhekuqe të Skënderbeut.

“KORÇA BOOM”