Skënderbeu U-19 barazon me Aston Villën/ Reagime krenarie dhe mbështetje nga tifozët korçarë: “Na bëtë me zemër plot, djem!”

Pas një paraqitjeje mbresëlënëse ndaj ekipit të të rinjve të Aston Villës, Skënderbeu U-19 doli nga fusha me një rezultat barazim, por me një fitore morale të padiskutueshme. Djemtë e akademisë korçare dhanë maksimumin në çdo cep të fushës dhe treguan se kanë jo vetëm talent, por edhe karakter dhe besim për t’u përballur me emra të mëdhenj të futbollit evropian.

Reagimet nga tifozët nuk kanë munguar dhe kanë qenë të shumta në rrjetet sociale. Entuziazmi, krenaria dhe emocioni i përbashkët i të gjithëve është ndjerë fort, si një mesazh i qartë se e ardhmja e klubit është në duar të sigurta.

Ja disa nga komentet më përfaqësuese:

“Këta djem e mbajtën lart emrin e Skënderbeut dhe Korçës! Shumë më tepër se një barazim, ishte një mesazh për gjithë futbollin shqiptar.”

“Na bëtë me zemër plot! Nuk ka rëndësi rezultati kur luan me shpirt dhe përfaqëson ngjyrat tona me kaq dinjitet.”

“Kjo është puna që po bëhet në akademi! Bravo të gjithëve, nga stafi te lojtarët. Ky është futbolli që duam të shohim!”

“Aston Villa është një emër i madh, por ne treguam se edhe Korça ka çfarë të ofrojë. Të ardhme e ndritur për këta çuna.”

Barazimi ndaj një kundërshtari të këtij niveli, në një kompeticion që promovon futbollin e moshave dhe përballjet ndërkombëtare, është një sinjal i qartë se akademia e Skënderbeut është duke prodhuar cilësi.

Trajnerët, drejtuesit dhe vetë lojtarët kanë merituar lavdërime për seriozitetin dhe përgatitjen profesionale që kanë treguar.

"KORÇA BOOM"