SOT 5 ndeshje të kategorisë së parë/ Skënderbeu për fitore nesër në Lushnjë

Erdhi dita e javës së dytë të kategorisë së parë, teksa sot starton e java e dytë e kësaj kategorie me 5 ndeshjet e ditës, ndërkohë që vtëm një përballje luhet nesër që do të jetë përmbyllësja, ajo mes Lushnjës dhe Skënderbeut.

Sot në juglindje të gjithë janë “sy e veshë” në Fushë-Krujë, atje ku Pogradeci luan transfertën e parë të sezonit dhe do të kërkojë patjetër fitoren pas atij hapi fals javën e parë në shtëpi. Takimi do të startojë në orën 16:00.

Ndërkohë përveç Pogradecit sot luhen edhe ndeshjet e tjera, ku bien në sy përballjet mes Korabit dhe Besës, apo Apolonia-Luftëtari, pa thënë se do të luhet edhe në Laç ku vendasit presin Kastriotin dhe Burreli pret Kukësin.

Ndërkohë që pjesa më e madhe e ndeshjeve luhen sot, nesër mbetet për tu luajtur vetëm përballja e Skënderbeut që do të luajë transfertën e Lushnjës, një ndeshje jo fort e lehtë. Skënderbeu ka lënë qytetin juglindor dhe pret ditën e nesërme me një mungesë në përbërje, atë të Bismark.

Skënderbeu luan këtë transfertë për 3 pikë dhe sigurisht që është një ndeshje që vlen shumë.

Kategoria e Parë/ Java 2

E shtunë, 30 gusht

ORA 16:00 Iliria - Pogradeci

ORA 16:00 Korabi - Besa

ORA 16:00 Apolonia - AF Luftëtari

ORA 16:00 Laçi - Kastrioti

ORA 16:00 Burreli - Kukësi

E diel, 31 gusht

ORA 17:00 Lushnja - Skënderbeu

“KORÇA BOOM”