Tension në Burreli-Skënderbeu, vendasit protestojnë ashpër

Përballja mes Burrelit dhe Skënderbeut është shoqëruar me momente tensioni, pas golit të vetëm që vendosi takimin në favor të korçarëve.

Mario Beshiraj shënoi me kokë në minutën e 72-të, por ky realizim nuk u prit mirë nga lojtarët dhe stafi i ekipit vendas.

Futbollistët e Burrelit kontestuan ashpër vendimin e arbitrit, duke pretenduar për një parregullsi gjatë aksionit. Protestat e shumta bënë që ndeshja të ndërpritej për disa minuta, derisa situata në fushë u qetësua.

Pas rikthimit të rendit, takimi vijoi deri në fund pa ndryshim rezultati, duke u mbyllur 0-1. Skënderbeu siguroi kështu tre pikë të vlefshme për të ruajtur kryesimin në Kategorinë e Parë./ CNA

“KORÇA BOOM”