Trajneri i Dinamos: “Synimi ynë titulli kampion, rivalët kryesorë këtë sezon janë Tirana, Pogradeci dhe Skënderbeu”

Trajneri i volejbollit të Dinamos, Orlando Koja, pas fitores së fundit ndaj Vllaznisë, ka shprehur entuziazmin dhe vendosmërinë për të rikthyer skuadrën në nivelet më të larta të sportit shqiptar.

“Unë jam blu në zemër, Dinamos i lindur. Është kënaqësi e madhe që përvojën dhe eksperiencën time ta përdor për Dinamon,” – tha Koja, duke theksuar ambiciet e tij për sezonin aktual.

“Objektivi ynë kryesor është titulli kampion dhe rikthimi i Dinamos në nivelet më të larta. Deri tani po tregojmë se jemi një ekip i fortë, megjithëse ka ende nevojë për kohë që lojtarët e huaj të përshtaten më mirë me ata vendas. Ekipi do të rritet akoma në vazhdim,” – shtoi trajneri.

Sipas tij, rezultatet e arritura deri tani tregojnë se puna në skuadër po shkon në drejtimin e duhur.

Kur u pyet për rivalët kryesorë të Dinamos këtë sezon, Koja përmendi Tiranën, Pogradecin dhe Skënderbeun, duke veçuar në mënyrë të veçantë Tiranën si kampionen në fuqi.

“KORÇA BOOM”