Transportonte bagëti pa certifikatë veterinarie, procedohet penalisht 62-vjeçari

Specialistët për Hetimin e Krimeve të Komisariatit të Policisë Korçë kanë referuar materialet në Prokurori, ku ka nisur procedimi penal ndaj shtetasit Sh. M., 62 vjeç, banues në Kamëz.

Shtetasi në fjalë u kap nga shërbimet e policisë në aksin rrugor “Pojan–Zvezdë”, teksa transportonte bagëti të trasha pa certifikatë veterinare, duke shkelur rregullat e tregtimit dhe transportimit të kafshëve.

Ai akuzohet për veprën penale “Tregtimi dhe transportimi i mallrave që janë kontrabandë”, ndërsa materialet hetimore janë dërguar për ndjekje të mëtejshme në Prokurori.

“KORÇA BOOM”