Tre tërmete radhazi tronditin zonat pranë kufirit Shqipëri-Greqi

Tre tërmete janë regjistruar njëra pas tjetrës pranë kufirit mes Shqipërisë dhe Greqisë, duke shkaktuar shqetësim tek banorët e zonave përreth.

Sipas të dhënave sizmologjike, tërmeti i parë ndodhi në 03:32 UTC (05:32 me orën lokale) me magnitudë 5.4 të shkallës Rihter. Epiqendra ishte rreth 16 kilometra në perëndim të Eleousa dhe 155 kilometra në perëndim të qytetit të Larisës, në një thellësi prej 5 kilometrash.

Vetëm pak minuta më vonë, në 03:36 UTC, u regjistrua një tërmet tjetër me magnitudë 4.9, me epiqendër rreth 21 kilometra në jugperëndim të Ioanninës.

Lëkundja e tretë ndodhi në 03:39 UTC me magnitudë 3.6, rreth 20 kilometra në jugperëndim të Eleousa, gjithashtu në një thellësi prej 5 kilometrash.

Deri më tani nuk raportohet për dëme materiale apo persona të lënduar, ndërsa autoritetet sizmologjike po monitorojnë situatën për lëkundje të mundshme pasuese.

"KORCA BOOM"