Të pa thënat e ndeshjes Skënderbeu – Iliria: Momentet kryesore, batutat e tifozëve dhe veprimet vendimtare të lojtarëve

Nasr surprizon tifozët korçarë me një stil të ri flokësh. Në fillim të ndeshjes, disa madje pyetnin se kush ishte ky futbollist i ri.

Një tifogrup i Fushë-Krujës udhëtoi për të mbështetur Ilirinë me kore dhe daulle gjatë gjithë sfidës.

Në minutën e 20-të, dëmtimi i Arrabal kap të papërgatitur stafin e Ilirisë. Mesfushori Eristotel Koleci shfaqet fillimisht me fanellën “Selmani”, ndërsa mesfushorit brazilian i kërkohet të qëndrojë shtrirë deri sa zëvendësuesi të jetë gati.

Një përplasje verbale midis trajnerit Gjoka dhe kapitenit Adolf Selmani ndodh në pjesën e parë. Drejtori Gjançi ndërhyn për të qetësuar situatën, dhe loja vijon normalisht pas këshillimeve të gjyqtarit Alla.

Jo vetëm sektori i miqve ishte i mbushur; edhe tribunat qendrore nuk kursyen ofendimet ndaj trajnerit Gjoka dhe lojtarëve të Skënderbeut.

Debutimi i Mario Gjatës shoqërohet me batuta nga tifozët: “E ka trajtuar dhe ca kohë Dinamoja.”

Sulmuesi i Ilirisë, Kithambo, i pakënaqur me zëvendësimin në minutën e 68-të, shpërthen me ofendime dhe shkon drejt dhomave të zhveshjes.

Tifozët korçarë duartrokasin Mentor Mazrekajn në momentin e zëvendësimit.

“KORÇA BOOM”