Dasmë në horizont?/ Bora Zemani dhe Donald Veshaj drejt kurorëzimit të dashurisë këtë verë

Prej muajsh emrat e Bora Zemani dhe Donald Veshaj kanë qenë në qendër të vëmendjes së mediave rozë, mes aludimeve të shumta për një martesë të afërt. Tashmë, duket se zërat po marrin gjithnjë e më shumë formë dhe çifti po përgatitet të kurorëzojë dashurinë në një ceremoni që pritet të jetë ndër më të komentuarat e kësaj vere.

Sipas burimeve pranë çiftit, të cituara nga Prive By Liberta Spahiu, muaji korrik është periudha e përzgjedhur për martesën e tyre. Raportohet se Bora dhe Donaldi po organizojnë detajet e fundit të ceremonisë, e cila pritet të mbledhë familjarë, miq të afërt dhe emra të njohur të ekranit shqiptar.

Edhe pse moderatorja ka preferuar prej kohësh të mos komentojë zërat rreth martesës, duke i konsideruar shpesh si thashetheme, kësaj here situata duket më serioze. Vetë Donaldi ka lënë të kuptohet se planet për dasmën janë konkrete dhe se çifti po punon për realizimin e saj gjatë kësaj vere.

Në një intervistë në emisionin Më lër të flas, përballë vëllait të tij Romeo Veshaj, Donaldi foli hapur për planet e dasmës dhe madje për zgjerimin e familjes në të ardhmen. Ai tregoi se aktualisht ndodhen në fazën e organizimit, duke ndarë edhe momente humori lidhur me diskutimet për listën e të ftuarve dhe konceptin e ceremonisë.

Sipas raportimeve, dasma pritet të zhvillohet në jug të Shqipërisë, pranë detit, në një ambient privat dhe romantik, larg zhurmës së kryeqytetit. Eventi pritet të jetë një nga momentet më të rëndësishme të showbiz-it shqiptar këtë vit.

"KORÇA BOOM"