VOLEJ FEMRA/ Mbyllet faza e parë. Pogradeci në krye me meritë, pa asnjë humbje
- Korca Boom
- Oct 27
- 1 min read
Ka përfunduar tashmë faza e parë e kampionatit në volejboll për femra, ndërkohë që pas kësaj faze surpriza padiskutim dhe risia është Pogradeci, skuadër që ka bërë një paraqitje të shkëlqyer në 7 ndeshjet e para.
Pogradeci që është edhe kandidatja kryesore për titullin kampion këtë sezon, ka arritur të grumbullojë 19 pikë nga 21 pikë të mundshme. Mbetet padiskutim skuadra për tu mundur dhe tashmë në pritje të fazës ë dytë, liqenoret janë gati që këtë sezon të shkruajnë historinë.
Postimi më i fundit i Klubit të Pogradecit:
“Pas përfundimit të Fazës së parë të Kampionatit në Volejboll për femra, ekipi ynë renditet në vendin e PARË me plot meritë duke qënë ekipi i vetëm PA HUMBJE këtë fazë.
Me besim tek vajzat tona dhe tek trajnerët shpresojmë që këtë ritëm ta ruajmë në çdo sfidë që do kemi në të ardhmen.
Suksese POGRADEC”
“KORÇA BOOM”




















