VOLEJ FEMRA/ Sot Dinamo-Skënderbeu dhe kryendeshja në Pogradec ku vjen Tirana

Java e 6-të e superligës në volejboll për femra sjell sot dy superndeshje, njëra më e bukur se tjetra.

Së pari e gjithë vëmendja është sot në Pogradec ku vendaset presin Tiranën kryesuese të kampionatit dhe kjo pritet të jetë një ndeshje tjetër finale.

Pogradecaret kërkojnë të ndalin edhe sot Tiranën, ashtu si bënë edhe me Dinamon një javë më parë dhe e gjithë vëmendja sot në orën 17:00 është në qytetin e liqenit, ku padyshim pritet që pallati i sportit të mbushet plot e përplot.

Nga ana tjetër po sot në orën 18:00 në mbrëmje do të luhet një tjetër ndeshje që premton spektakël, teksa Skënderbeu udhëton për tu ndeshur me Dinamon në Farkë. Ish-trajneri i Skënderbeut Orlando Koja, sot do të jetë përballë trajnerit të Skënderbeut, Olsi Haxhillari, një dyshe që drejtonte Skënderbeun, por që sot janë në duel me njëri-tjetrin.

Superliga e volejbollit filloi qysh dje me përballjen në Shkodër mes Vllaznisë dhe Partizanin që u fitua nga të kuqet 1-3.

Me pak fjalë sot e gjithë vëmendja do të jetë në Tiranë dhe Pogradeci, ku Pogradeci kërkon të mposhtë Tiranën dhe Skënderbeu të marrë më të mirën ndaj Dinamos në kryeqytet.

Java VI

DJE 17.09.2025 (E Premte)

Vllaznia-Partizani 1-3

SOT 18.09.2025 (E Shtunë)

Ora 14:00 Korabi-Teuta

Ora 17:00 Pogradeci-Tirana

Ora 18:00 Dinamo-Skënderbeu

“KORÇA BOOM”