VOLEJ FEMRA/ Skënderbeu provë të vështirë me Dinamon. Haxhillari përballë Kojës. Pogradeci-Tirana kryendeshja!

Këtë javë luhet java e 6-të e kampionatit kombëtar në volejboll për femra, ndërkohë që kjo javë sjell të tjera emocione të mëdha në parket.

Sigurisht që e gjithë vëmendja edhe këtë fundjavë do të jetë në Pogradec, ku liqenoret që mposhtën fundjavën që kaloi Dinamon, këtë herë do të presin kryesueset e superlugës, Tiranën.

Pogradeci-Tirana është ndeshja e orës 17:00 të së shtunës, ndërkohë që Tirana kujtojmë që kryeson me 14 pikë dhe Pogradeci ndodhet vetëm një pikë më pak 13 pikë, në vendin e dytë.

Një tjetër ndeshje me interes është edhe ajo që do të luhet në kryeqytet, mes skuadrës së vendit të 3-të dhe ekipit të vendit të 4-t. ky takim do të hapë javën e 6-të, pasi luhet të premte dhe starton në orën 18:00.

Dinamo e Orlando Kojës do të presë këtë herë Skënderbeun në kryeqytet, një sfidë shumë e vështirë për bardhekuqet e Haxhillarit. Dinamo ka 13 pikë, ndërkohë që Skënderbeu 10 pikë.

Më poshtë sjellim edhe duelet e kësaj jave:  

Java VI

17.09.2025 (E Premte)

Ora 18:00 Dinamo-Skënderbeu

18.09.2025 (E Shtunë)

Ora 14:00 Korabi-Teuta

Ora 16:00 Vllaznia-Partizani

Ora 17:00 Pogradeci-Tirana

“KORÇA BOOM”