VOLEJ MESHKUJ/ Skënderbeu mposht Studentin në ndeshjen e parë të Kupës

Skënderbeu-Studenti 3-1

(25-22, 25-17, 20-25, 25-23)

Skëndebeu ka mposhtur me rezultatin 3-1 Studentit pasditen e sotme në pallatin e sportit “Tamara Nikolla” në ndeshjen e parë të Kupës së Shqipërisë në volejboll për meshkuj.

Djemtë e Arben Priftit i kanë bërë një start të shkëlqyer Kupës, teksa ka siguruar këtë fitore në Grupin A, atje ku bën pjesë edhe Partizani.

Seti i parë dhe i dytë i takimit ka qenë i bukur për vendasit që fitojnë 25-22 dhe 25-17, ndërkohë që miqtë nga kryeqyteti zgjohen në setin e tretë që e fitojnë 20-25. Pas rezultatit 2-1 në sete, seti i katërt ka qenë me rivalitet deri afër fundit, ndërkohë që Skënderbeu e mbyll 25-23 dhe krejt ndeshjen 3-1, duke arritur këtë fitore të parë në ndeshjet e Kupës së Shqipërisë.

Tashmë pritet ndeshja e radhës ajo me Partizanin, skuadra më e fortë edhe këtë sezon në volejbollin e meshkujve.

Suksese djemve bardhekuq!

“KORÇA BOOM”