Zgjedhjet e pjesshme/ Partia Demokratike mbështet pavarësinë e kandidaturave

Rreth një muaj para zgjedhjeve të pjesshme në 6 bashki, Partia Demokratike dhe opozita ende nuk kanë emra kandidatësh për garën elektorale.

Sot pasdite, në mbledhjen e Kryesisë së PD-së u diskutua sërish mbi kandidatët, ku duket se formula që do të aplikohet në këtë garë janë figurat e pavarura.

Sipas vendimit, selia blu do të mbështesë kandidatë të pavarur që do të shprehen publikisht për pjesëmarrje në zgjedhje. Këta kandidatë do të regjistrohen si të pavarur në Komisionin Qendror të Zgjedhjeve, por do të kenë mbështetjen publike të koalicionit opozitar.

Konfirmimi erdhi nga kryedemokrati Sali Berisha, i cili deklaroi se PD do të marrë seriozisht kandidaturat e pavarura që do të shfaqin interes për këto zgjedhje.

Duke iu përgjigjur pyetjeve të gazetarëve në lidhje me tre emrat e përfolur për Tiranën – Edlira Çepani, Ermal Hasimja dhe Florian Haçkaj – Berisha la të kuptohet se ata nuk janë figura krejtësisht të pavarura, por propozime nga aleatët.

Ai bëri thirrje elitës dhe intelektualëve të qyteteve ku do të zhvillohen zgjedhjet që vetë të propozojnë kandidatë të pavarur dhe të kërkojnë mbështetjen e opozitës.

“KORÇA BOOM”