Zhvillim i bujshëm, Evis Sala jep dorëheqjen? Reagon ministria

Një zhvillim i papritur raportohet nga radhët e qeverisë “Rama 4”. Ministrja e Shëndetësisë dhe Mirëqenies Sociale, Evis Sala, mësohet se ka paraqitur dorëheqjen nga detyra. Deri tani nuk ka ende një konfirmim zyrtar nga institucionet shtetërore.

Ministrja e Shëndetësisë dhe Mirëqenies Sociale, Evis Sala, ka dhënë dorëheqjen nga posti që mbante në kabinetin qeveritar, sipas informacioneve të publikuara fillimisht nga “Replika.al”.

Lajmi për largimin e saj përbën një zhvillim të rëndësishëm politik, pasi bëhet fjalë për drejtuesen e një prej dikastereve më të rëndësishme të qeverisë, e cila administron sistemin shëndetësor publik dhe politikat e mirëqenies sociale.

Ende nuk janë bërë të ditura arsyet që mund ta kenë çuar ministren drejt këtij vendimi. Gjithashtu, nuk dihet nëse dorëheqja është pranuar nga kryeministri Edi Rama dhe se kush mund të marrë drejtimin e përkohshëm apo përfundimtar të Ministrisë së Shëndetësisë dhe Mirëqenies Sociale.

Deri në momentin e publikimit të këtij lajmi, nga Kryeministria, Presidenca dhe vetë Ministria e Shëndetësisë nuk është shpërndarë ndonjë deklaratë që konfirmon zyrtarisht largimin e Evis Salës. Në faqet institucionale, ajo vijon të figurojë si ministre në detyrë.

Evis Sala mori drejtimin e Ministrisë së Shëndetësisë dhe Mirëqenies Sociale në shtator të vitit 2025, si pjesë e kabinetit të katërt të kryeministrit Edi Rama.

Emërimi i saj u dekretua nga Presidenti i Republikës më 15 shtator 2025, ndërsa më 20 shtator ajo u prezantua zyrtarisht nga kryeministri në ambientet e Qendrës Spitalore Universitare “Nënë Tereza”.

Në momentin e emërimit, Sala u prezantua si një profesioniste me përvojë të gjatë ndërkombëtare në fushën e mjekësisë, kërkimit shkencor dhe imazherisë onkologjike.

Përpara marrjes së detyrës ministrore, ajo kishte ushtruar funksione akademike dhe drejtuese në institucione të njohura shëndetësore dhe universitare jashtë vendit. Nga ministaria del njoftimi se : MInistrja eshte ne krye te detyres"

“KORÇA BOOM”