ZI NË MUZIKËN SHQIPTARE ! Ndahet nga jeta në moshën 40-vjeçare këngëtari Shpat Kasapi

Këngëtari i njohur i pop-muzikës shqiptare, Shpat Kasapi, është ndarë nga jeta në moshën 40-vjeçare, si pasojë e një sulmi në zemër, sipas të dhënave paraprake.

I lindur më 1 maj 1985 në Tetovë, ai u rrit në një familje me traditë muzikore dhe shumë shpejt u bë një ndër emrat më të dashur të skenës shqiptare. Karriera e tij nisi në fillim të viteve 2000, kur u shndërrua në idhull të rinisë me stilin modern, ritmet e lehta dhe performancat e tij energjike.

Përmes tregut muzikor shqiptar dhe kosovar, Shpati solli këngë që u kthyen në hite të kohës si “A më do?”, “Valle Kosovare”, “Dashni pa limit”, “Aroma e saj” dhe shumë të tjera, duke lënë gjurmë të pashlyeshme në muzikën shqiptare.

Shpat Kasapi ka qenë i martuar dhe po kalonte një proces ndarjeje kohët e fundit. Ai ka lënë pas një fëmijë.

Në skenën muzikore shqiptare, ai do të mbahet mend për zërin, energjinë dhe ndikimin e tij te publiku.

"KORÇA BOOM"