Zjarr në një apartament pranë stadiumit!

Një apartament pranë stadiumit “Selman Stërmasi”, në Tiranë, është përfshirë nga flakët pasditen e kësaj të premteje.

Pas njoftimit për zjarrin, shërbimi zjarrfikës mbërriti në vendngjarje dhe nisi ndërhyrjen për shuarjen e flakëve.

Sipas informacioneve të raportuara, zjarri kishte përfshirë një pjesë të kuzhinës së apartamentit.

Falë ndërhyrjes së zjarrfikësve, vatra u izolua përpara se flakët të përhapeshin në pjesët e tjera të banesës. Dy dhoma të apartamentit nuk u prekën nga zjarri, duke bërë të mundur kufizimin e dëmeve materiale.

Deri në këto momente nuk raportohet për persona të lënduar. Shkaqet e zjarrit nuk janë bërë ende të ditura./ Pamfleti

“KORÇA BOOM”