Aksident i frikshëm, makina del nga rruga dhe përmbyset

Një aksident i rëndë automobilistik është regjistruar sot në mesditë në segmentin rrugor Kukës–Aeroport, në vendin e njohur si rrethrrotullimi i Shtiqnit.

Sipas informacioneve paraprake, një automjet i vogël ka dalë nga rruga dhe është përmbysur, duke shkaktuar dëmtime në shtyllat e ndriçimit publik si dhe në barrierat anësore të rrugës.

Menjëherë në vendngjarje kanë mbërritur forcat e zjarrfikëses, të cilat kanë ndërhyrë për nxjerrjen e personave të dëmtuar nga automjeti.

Ende nuk dihet gjendja shëndetësore e të lënduarve, ndërsa autoritetet po punojnë për zbardhjen e shkaqeve të aksidentit.

“KORÇA BOOM”