Aksident me një viktimë/ Mjeti del nga rruga dhe bie në humnerë

Mbrëmjen e djeshme në aksin “Qafë Mali-Fierzë” ka ndodhur një aksident automobilistik ku për pasojë ndërroi jetë shtetasi P.U., 51 vjeç.

51-vjeçari humbi kontrollin e mjetit dhe për pasojë makina ra në humnerë.

Njoftimi i Policisë:

Fushë-Arrëz / Informacion paraprak

Mbrëmjen e djeshme, në aksin rrugor “Qafë Mali–Fierzë”, shtetasi P. U., 51 vjeç, duke drejtuar automjetin e tij, dyshohet se ka humbur kontrollin mbi drejtimin e automjetit, i cili ka dalë nga rruga dhe ka rënë në një humnerë.

Menjëherë pas marrjes së njoftimit, në vendngjarje kanë shkuar shërbimet e Policisë, forcat zjarrfikëse dhe ambulanca, por shtetasi P. U. ka humbur jetën si pasojë e plagëve të marra.

Grupi hetimor, nën drejtimin e Prokurorisë, po punon për zbardhjen e plotë të rrethanave dhe shkakut të aksidentit./CNA

“KORÇA BOOM”