Aksident pranë doganës së Kapshticës, makina del nga rruga për shkaqe ende të paqarta

Një aksident është regjistruar paraditen e sotme në afërsi të pikës doganore të Kapshticës, ku një automjet ka dalë nga rruga për shkaqe ende të paqarta.

Fatmirësisht, nga aksidenti nuk raportohet për persona të lënduar. Në automjet ndodhej vetëm drejtuesi i mjetit, i cili ka shpëtuar pa dëmtime, ndërsa janë shkaktuar vetëm dëme materiale.

Policia ka mbërritur në vendngjarje për të bërë verifikimet e nevojshme dhe për të sqaruar rrethanat e aksidentit. Dyshohet se humbja e kontrollit mund të ketë ardhur si pasojë e kushteve të rrugës apo e një manovre të gabuar.

Hetimet janë në vijim për të përcaktuar shkakun e saktë të daljes nga rruga.

“KORÇA BOOM”