Alarm në Maliq: Dy fëmijë zhduken pa gjurmë nga banesat

Më datë 26 qershor 2025, në Komisariatin e Policisë Maliq janë paraqitur dhe kanë bërë kallëzim shtetasit Ll. Q., 43 vjeç, dhe E. B., 42 vjeç, banues në fshatrat Zvirinë dhe Leminot. Ata kanë deklaruar se fëmijët e tyre të mitur, një vajzë dhe një djalë, janë larguar nga banesat përkatëse dhe nuk janë kthyer më.

Menjëherë pas marrjes së njoftimit, strukturat e Policisë kanë nisur veprimet procedurale dhe hetimore, si dhe punën për gjetjen dhe kthimin e të miturve pranë familjeve të tyre.

Policia e Maliqit vijon kërkimet në bashkëpunim me familjarët dhe komunitetin lokal, ndërsa u bën thirrje qytetarëve që nëse kanë informacion të vlefshëm mbi vendndodhjen e tyre, të kontaktojnë menjëherë organet kompetente.

“KORÇA BOOM”