Alarmuse situata e largimeve të trajnerëve nga kategoria e parë

 Deri në përfundim të fazës së parë, gjashtë skuadra kanë ndërruar trajnerë, ndërsa starti i fazës së dytë solli edhe largimin e radhës: dorëheqjen e Bledar Devollit te Kukësi.

Mesatarja është alarmuese një trajner largohet çdo 1.7 javë. Në total, 7 trajnerë janë ndërruar në 12 javë, pa llogaritur largimin e Rui Amorim te Laçi, i cili u shkëput nga skuadra para nisjes së kampionatit.

Kukësi është ekipi me më shumë ndryshime, duke ndërruar dy trajnerë në më pak se një fazë. Emiljano Çela ishte i pari që u largua, pasi dha dorëheqjen nga drejtimi i Besës pas javës së dytë. Në javën e katërt ishte radha e Erion Xhafës të linte Lushnjën pas katër barazimeve radhazi. Në javën e gjashtë u larguan edhe dy trajnerë të tjerë, mes tyre Ardian Mema pas humbjes 3-2 ndaj Luftëtarit.

Ritmi i largimeve tregon qartë trysninë e klubeve për të gjetur stabilitetin, ndërsa gara në fushë po bëhet gjithnjë e më e fortë, me diferenca minimale dhe rezultate të papritura.

"KORCA BOOM"