Aston Villa U-19 – Skënderbeu U-19 mbyllet pjesa e parë

Në stadiumin “Bodymoor Heath” në Angli po zhvillohet ndeshja e kthimit mes Aston Villa U-19 dhe Skënderbeut U-19, e vlefshme për raundin e UEFA Youth League.

Takimi ka nisur me ritëm të lartë dhe që në minutat e para anglezët kanë arritur të gjejnë rrugën e rrjetës. Në minutën e dytë të pjesës së parë, pas një aksioni të shpejtë në krahun e majtë, Rory Wilson ka përfituar nga një top i mbetur brenda zonës dhe e ka dërguar topin në rrjetë, duke kaluar Aston Villën në avantazh 1-0.

Pas golit të parë, Skënderbeu ka tentuar të reagojë, por në minutën e 11-të vendasit kanë dyfishuar rezultatin. Një aksion i shpejtë në të djathtë përfundoi me një pasim perfekt në zonë, ku Carroll u gjend në vendin e duhur dhe me një goditje precize mposhti portierin korçar, duke e çuar rezultatin në 2-0 për Aston Villën.

Dominimi i vendasve ka vazhduar dhe në minutën e 38-të, Rory Wilson ka realizuar edhe golin e tretë të ndeshjes për Aston Villën, duke shënuar dopietë dhe duke thelluar epërsinë në 3-0. Vetëm pak minuta më vonë, McGrath ka përfituar nga një pasiguri në mbrojtjen e Skënderbeut dhe ka dërguar topin në rrjetë, duke vulosur rezultatin e pjesës së parë në 4-0 për Aston Villën.

"KORCA BOOM"