Carolin Moriera, ka lënë një mesazh për Skënderbeun

Me përkushtim, talent dhe një shpirt luftarak që e dallon në fushë, Carolin Moreira ka qenë një nga figurat më të spikatura të skuadrës së volejbollit të Skënderbeut gjatë këtij sezoni. Vjen nga Brazili, një vend me një traditë të pasur në volejboll, dhe i ka sjellë ekipit korçar jo vetëm cilësi teknike, por edhe një frymë pozitive dhe motivuese. Angazhimi i saj i palodhur dhe pasioni për lojën janë reflektuar në çdo ndeshje, duke e bërë një pjesë të rëndësishme të suksesit dhe shpirtit të skuadrës.

Tashmë ajo është larguar nga Skënderbeu por ka lene nje mesazh:

Dua të shpreh mirënjohjen time për tetë muajt e jashtëzakonshëm me këtë grup njerëzish. Sezoni nuk përfundoi ashtu siç e kishim shpresuar, por ka qenë një nder i madh të përfaqësoj një klub me kaq shumë histori, nga lojtarët, trajnerët dhe stafi i klubit, e deri te tifozët e zjarrtë, mbështetja e palëkundur e të cilëve e bëri çdo moment në fushë edhe më kuptimplotë.

Ky ka qenë një sezon i rritjes personale dhe profesionale, i mbushur me sfida, por gjithashtu i pasur me momente të gëzueshme. Do t’i ruaj gjithmonë me krenari këto kujtime.

“KORÇA BOOM”