DEVOLL/ Workshop konsultativ për hartimin e Planit të Veprimit për Barazinë Gjinore

Në kuadër të procesit të hartimit të Planit të Veprimit për Barazinë Gjinore në Bashkinë Devoll, u zhvillua workshopi i parë konsultativ. Në takim morën pjesë përfaqësues nga institucionet qendrore dhe nga drejtoritë kryesore të bashkisë, me qëllim garantimin e një procesi gjithëpërfshirës, transparent dhe të bazuar në nevojat reale të komunitetit.

Hartimi i këtij plani realizohet në kuadër të projektit “Promovimi dhe Realizimi i të Drejtave të Romëve në Kosovë dhe Shqipëri”, i cili mbështetet nga Ministria Federale për Bashkëpunim Ekonomik dhe Zhvillim e Republikës Federale të Gjermanisë (BMZ), në bashkëpunim me Karl Kübel Stiftung für Kind und Familie (Gjermani), KFOS - Fondacioni për Shoqëri të Hapur (Kosovë) dhe organizatën Drejtësi Sociale (Shqipëri).

Ky plan do të shërbejë si një instrument i rëndësishëm për të forcuar përfshirjen gjinore në nivel vendor, duke kontribuar në promovimin e barazisë, fuqizimin e grave dhe vajzave, si dhe në garantimin e të drejtave të barabarta për të gjithë qytetarët, me një vëmendje të veçantë ndaj komuniteteve në kushte më të vështira sociale dhe ekonomike.

Bashkia Devoll mbetet e angazhuar për të ndërtuar një shoqëri më të drejtë,

gjithëpërfshirëse dhe me mundësi të barabarta për të gjithë!

“KORÇA BOOM”