Duel i zjarrtë në liqen: Pogradeci përballë Lushnjës mësoni ditën dhe orën
- Korca Boom
- Aug 15
- 1 min read
Kategoria e Parë rikthehet këtë fundjavë me emocionet e javës së parë të kampionatit, dhe një nga ndeshjet që tërheq vëmendjen është ajo mes Pogradecit dhe Lushnjës, e planifikuar të luhet të dielën në orën 17:00, në stadiumin e qytetit liqenor.
Të dyja skuadrat vijnë në këtë sezon me synime ambicioze. Pogradeci, një emër i njohur në futbollin shqiptar, kërkon të kthehet sërish në eliten e futbollit pas disa sezonesh me luhatje. Me një grup lojtarësh të rinj dhe përvojë, por edhe me përkrahjen e tifozërisë së zjarrtë në shtëpi, liqenasit do të kërkojnë të nisin me këmbën e mbarë këtë kampionat
.
Nga ana tjetër, Lushnja, një tjetër emër me histori në futbollin shqiptar, është përforcuar gjatë merkatos së verës dhe ka ndërtuar një skuadër konkurruese me objektivin e kthimit në Superiore.
Lushnjarët pritet të paraqiten në Pogradec me synimin për të marrë tri pikët, megjithatë janë të vetëdijshëm për vështirësinë që paraqet kjo transfertë.
“KORÇA BOOM”
