E FUNDIT/ Ramos-Merlim akoma në Brazil, Skënderbeu gati gjobat për të dy lojtarët

Skënderbeu ka kohë që ka filluar përgatitjet dhe të gjithë janë nën urdhërat e trajnerit Ernest Gjoka dhe stafit teknik, ndërkohë që bie në sy deri në këto momente mungesa e dy lojtarëve. Ata janë mbrojtësi Marko Ramos dhe mesfushori Juri Merlim.

Në fakt, Skënderbeu i priste që ditën e parë të përgatitjeve më 25 qershor të dy futbollistët që të ishin nën urdhërat e stafit teknik, por kjo jo vetëm që nuk ka ndodhur, por edhe sot në datën 10 korrik sërish ata nuk janë pjesë e ekipit.

Burime pranë klubit bëjnë me dije se Ramos dhe Merlim mungojnë pa arsye dhe në këtë mënyrë kanë gati gjobat, gjë që do ju bëhet e ditur edhe kur të mbërrijnë te Skënderbeu.

Të dy brazilianët kanë kontratë me Skënderbeun dhe duhet ta respektojnë deri në një kontratën, ndërkohë që të dy e kanë shkelur dhe gjobat do të jenë edhe më të majme, për çdo ditë vonesë në grumbullimin me ekipin.

Nga ana tjetër Marko Ramos që është edhe më aktivi në rrjetet sociale vazhdon të pozojë edhe me uniformën e Skënderbeut në Brazil, ndërkohë që të gjithë e presin të jetë te Skënderbeu.

Të presim dhe të shohim në ditët në vazhdim, por Ramos dhe Merlim, pritet që të udhëtojnë menjëherë për tu bashkuar me skuadrën e tyre dhe duhet ta flenë mendjen që janë pjesë e Skënderbeut dhe duhet ta respektojnë deri në një kontratën.

“KORÇA BOOM”