E FUNDIT/ SKËNDERBEU merkato në hyrje-dalje. Ja kur plotësohet grupi dhe çfarë pritet!

Skënderbeu ka vijuar edhe gjatë ditës së sotme me seancën e pasdites, ndërkohë që duhet thënë që sot mbushen 2 javë nga starti i përgatitjeve verore të bardhekuqve që do të zhvillohen në qytetin juglindir deri në startin e sezonit të ri.

Sot ishte dita e dytë e mbërritjes së sulmuesit Baba Musa, ganezit që ka firmosur për tre vite me Skënderbeun, pritet që gjatë ditëve në vazhdim të mbërrijë edhe Salim Abubakar, mesfushori nga Niger që edhe ky e ka mbyllur me juglindorët. Përpos tyre piten edhe 3-4 afrime të tjera, lojtarë që do të jenë të huaj dhe do ti shërbejnë shumë ekipit në kategorinë e parë.

Merkatoja në hyrje është në fillimet e veta dhe pritet që në ditët në vazhdim të ketë edhe prezantime të tjera, ku bëhet fjalë për lojtarë cilësorë dhe që do të firmosin kontrata afatgjata për projektin e madh që ka Skënderbeu.

Përpos merkatos në hyrje, Skënderbeu edhe në merkaton në dalje është aktiv, pasi vetë dje zyrtarizoi shitjen e Ardit Nikaj dhe ndoshta do të ketë edhe ndonjë shitje tjetër gjithmonë nëse ofertat janë të majme për ata emra që ka në organizë Skënderbeu. Marko Alia, apo Bsmakr janë në forkus, por edhe kjo pritet për tu parë se sa do të realizohen, pasi Skënderbeu nuk mund ti lëshojë pa shifra të majme ata që ka nën kontratë.

Mësohet se Skënderbeu do të marrë pajme pas dy javësh, pra rreth fundit të korrikut, ku do të mësohet edhe grupi përfundimtar, por që gjithsesi stërvitjet e këtyre ditëve kanë qenë me ritëm të lartë dhe me ngarkesë.

Me pak fjalë bardhekuqtë janë të fokusuar në merkato, si në hyrje, por edhe në dalje, ndërkohë që shumë shpejt fillojnë edhe testet miqësore që do ti shërbejnë shumë Ernest Gjokës dhe stafit të tij teknik, për të parë më mirë pozicionet ku duhen përforcime.

“KORÇA BOOM”