E RËNDË/ Pamjet e mëngjesit të sotëm zbulojnë momentet e frikshme të aksidentit ku humbi jetën një vajzë 18-vjeçare

Pamjet e siguruara mëngjesin e sotëm nga vendngjarja zbulojnë detaje tronditëse nga aksidenti i rëndë i ndodhur mbrëmjen e djeshme te Ura e Dajlanit, në Durrës, ku humbi jetën një vajzë 18-vjeçare.

Sipas informacionit paraprak, automjeti ka ardhur nga degëzimi i rrugës që të çon drejt plazhit, ku fillimisht është përplasur me bordurat ndarëse. Nga forca e përplasjes, makina ka “fluturuar” për rreth 50 metra, duke rënë në rrugën poshtë mbikalimit.

Automjeti ka përfunduar më pas në një dyqan lulesh, duke shkaktuar dëme të mëdha materiale, ndërsa pamjet tregojnë qartë shkatërrimin e plotë të mjetit dhe pasojat e rënda të përplasjes.

Nga aksidenti tragjik humbi jetën pasagjerja 18-vjeçare, ndërsa shoferi dhe dy këmbësorë mbetën të plagosur dhe ndodhen nën kujdesin e mjekëve.

Policia po vijon hetimet për të përcaktuar shkaqet e aksidentit, ndërsa pamjet e reja pritet të ndihmojnë në rindërtimin e plotë të dinamikës së ngjarjes./ Syri

“KORÇA BOOM”