E RËNDË: (EMRAT)/ Gjendet i pajetë një 42-vjeçar. Nëna e tij nuk e duron dhimbjen dhe...

Ndarja e parakohshme nga jeta e të birit u shndërrua në akt vetëflijimi për një 72-vjeçare nga Lezha, e cila nuk mundi të përballojë humbjen e madhe dhe i dha fund jetës.

Ngjarja ndodhi në fshatin Lalm i Ri, ku 42-vjeçari Aleksandër Marku u gjet pa shenja jete në dyqanin e tij, ndërsa policia bën të ditur se nga këqyrja paraprake e trupit nuk janë vërejtur shenja dhune, ndaj dyshohet se vdekja ka ardhur për shkaqe natyrale.

Me marrjen e lajmit të dhimbshëm, në gjendje të rënduar emocionale dhe psikologjikë 72-vjeçarja Prene Marku i dha fund jetës, duke u vetëvarur.

Nëna u gjet pa shenja jete nga familjarët në ambientet e shtëpisë, duke shkaktuar dhimbje të madhe për ta. Trupat e pajetë janë dërguar në Institutin e Mjekësisë Ligjore në Tiranë, për kryerjen e ekspertizës mjekoligjore dhe përcaktimin e saktë të shkakut të humbjes së jetës.

“KORÇA BOOM”