Ekskluzive / Deklarim zyrtar i klubit të Egnatias në lidhje me Klevis Shaqen

Në këto momente jemi në periudhën e merkatos, dhe natyrisht çdo ekip kërkon të ketë përforcime ose të afrojë lojtarë për sezonin e ri. Veçanërisht ekipet që do të luajnë në kompeticionet europiane kanë nevojë edhe më të madhe për lojtarë cilësorë. Një prej këtyre ekipeve është edhe Egnatia, e cila ka luksin të përgatitet si kampione për të formuar një grup shumë cilësor.

Është përfolur se ky ekip interesohet për Klevis Shaqen, mbrojtësin e majtë të korçarëve. Është zëdhënësi i klubit, Prof. Xhevdet Zeka, i cili ka deklaruar për “Korça Boom”: “Nuk kemi asgjë zyrtare lidhur me atë për të cilën po interesoheni për futbollistin. Është e vërtetë që jemi në kërkim të një mbrojtësi, por përderisa nuk ka asgjë zyrtare, nuk mund të themi një gjë të tillë. Ne do të jemi në merkato deri në fund, por kjo mbetet për t'u parë se çfarë mund të ndodhë.”

Në fakt, zërat kanë qarkulluar dhe mund të mendohet se emri i Klevis Shaqes ka dalë në skenë, por duket se te Egnatia gjithçka është e studiuar mirë dhe në kohën e duhur.

“KORÇA BOOM”