Ekskluzive/ Devolli emëron trajnerin e ri, i cili merr drejtimin e skuadrës

Klubi i Devollit ka zyrtarizuar emërimin e trajnerit të ri për sezonin e ardhshëm. Pas një periudhe vlerësimesh dhe bisedimesh, drejtuesit e klubit kanë vendosur t’i besojnë pankinën teknikut Erindi Maneshi, i cili tashmë ka nënshkruar kontratën e bashkëpunimit dhe është prezantuar zyrtarisht nga klubi.

Lajmi është bërë i ditur nga drejtuesit e skuadrës, ndërsa ishte ekzekutivi i Devollit, Ermir Lukra, ai që konfirmoi gjithçka duke dhënë edhe disa detaje për objektivat e ekipit në sezonin e ri.

Në një deklaratë për mediat, Lukra u shpreh: "Kemi filluar të mendojmë sa më shpejt për formimin e grupit dhe besoj se grupi ynë është në një përqindje të madhe ekzistent. Por gjithçka e filluam nga trajneri dhe unë mendoj se Maneshi do të dijë ta drejtojë ekipin drejt atij objektivi që ne kemi: të ngjitemi në Kategorinë e Parë."

Sipas klubit, prezantimi i trajnerit është bërë edhe me foton zyrtare, duke i dhënë fillim një kapitulli të ri për skuadrën devollite që synon rikthimin në nivelet më të larta të futbollit shqiptar. Maneshi pritet të nisë menjëherë nga puna për përgatitjet e sezonit, ndërsa në ditët në vijim pritet të zyrtarizohen edhe lëvizjet e para në merkato.

“KORÇA BOOM”