Faleminderit që ishit pjesë e “MEET Prespa 2025”!

Në zemër të Prespës, këtë fundjavë u zhvillua një aktivitet që nuk ishte thjesht një festival… por një rrëfim i gjallë i trashëgimisë sonë kulturore.

Këngë e valle, veshje tradicionale, ritme të lashta dhe emocione të reja – “MEET Prespa 2025” solli në skenë pasurinë shpirtërore të rajonit tonë. Të rinj e të moshuar u bashkuan për të kënduar e kërcyer së bashku, duke dëshmuar se folklori nuk është i së kaluarës, por një urë e gjallë që lidh brezat me rrënjët e tyre.

Ky aktivitet nuk do të mbetet i vetëm. Ai është fillimi i një tradite të përvitshme në Pustec, një thirrje për të ruajtur dhe promovuar trashëgiminë tonë të përbashkët, për ta përcjellë me krenari tek fëmijët tanë dhe tek bota.

Falë mbështetjes së Ministrisë së Ekonomisë, Kulturës dhe Inovacionit, organizës zbatuese GjeoMjedis, Bashkisë Pustec dhe bashkive partnere, si dhe gjithë grupeve folklorike pjesëmarrëse, kjo mbrëmje mbeti në kujtesën e të gjithëve si një festë që i dha jetë kulturës sonë.

Pusteci flet me gjuhën e traditës – dhe kjo traditë do të vazhdojë të jetojë çdo vit, më e fortë, më e bukur, më bashkuese.

“KORÇA BOOM”