Fruta me pesticide të rrezikshme në treg: AKU ndalon hyrjen e pjeshkëve dhe rrushit të importuar nga Greqia dhe Italia

Autoriteti Kombëtar i Ushqimit (AKU) ka njoftuar bllokimin e tre ngarkesave frutash të importuara nga Greqia dhe Italia, pasi analizat kanë treguar praninë mbi normë të pesticideve të rrezikshme për shëndetin e njeriut.

Produktet e konstatuara me mbetje pesticide janë si më poshtë:

1. Rrush i kuq francez, me origjinë nga Greqia – rezultoi me praninë mbi normë të pesticidit Propamocarb.

2. Rrush tavoline, varieteti Red Globe, me origjinë nga Italia – rezultoi me praninë e pesticidit Bitertanol.

3. Pjeshkë, me origjinë nga Greqia – rezultoi me praninë mbi normë të pesticidit Phosmet.

AKU bën me dije se ka marrë masat e menjëhershme për ndalimin e hyrjes së produkteve në treg. Ngarkesat janë bllokuar dhe do të asgjësohen, ndërsa në rastet kur produktet kishin filluar shpërndarjen, operatorët e biznesit ushqimor janë njoftuar për t’i tërhequr nga tregu.

Për të tre rastet, AKU ka kryer njoftimet përkatëse pranë sistemit RASFF (Sistemi i Alarmit të Shpejtë për Ushqimin në Bashkimin Evropian), për të garantuar transparencë dhe siguri ushqimore.

Autoriteti i bën thirrje konsumatorëve të jenë të kujdesshëm dhe të informuar për origjinën e produkteve ushqimore që blejnë, sidomos në periudhën e verës kur konsumohet më shumë fruta të freskëta.

“KORÇA BOOM”