Futbollisti i kombëtares goditet nga përplasja me reklamat, ndodhet në spital

Një ngjarje e rëndë ka ndodhur pak ditë më parë në futbollin kinez, ku mesfushori Samuel Asamoah, i përfaqësueses së Togos dhe skuadrës Guangzhi Pinguo, është në gjendje kritike pas një incidenti serioz në fushë.

Gjatë një dyluftimi për topin, Asamoah u përplas me një lojtar kundërshtar dhe u shty drejt reklamave në anën e fushës. Ai goditi kokën dhe ra i shtrirë në tokë pa lëvizur. Menjëherë iu dha ndihma mjekësore në fushë dhe më pas u transportua me ambulancë në spital.

Mjekët kanë konstatuar se mesfushori ka pësuar frakturë në shtyllën kurrizore dhe në qafë, me pasoja shumë serioze. Gjendja e tij është kritike, me rrezik për jetën dhe me mundësi që të mbetet i paralizuar përgjithmonë.

Klubi dhe familja kanë kërkuar privatësi në këto momente të vështira, ndërsa komuniteti i futbollit po ndjek me shqetësim e solidaritet këtë ngjarje tronditëse.

"KORÇA BOOM"