Hapet rruga për në Policinë e Shtetit, ja si funksionon ankimimi i kandidatëve

Aplikantët kanë të drejtë të paraqesin ankim pranë Komisionit të Shqyrtimit të Ankesave, në adresën e email-it burimet.njerezore@asp.gov.al, ose fizikisht në sekretarinë e Drejtorisë së Burimeve Njerëzore në Drejtorinë e Përgjithshme të Policisë së Shtetit.

Ankimimi mund të bëhet sipas afateve të mëposhtme:

• Për rezultatet e testimit ose skualifikimit: brenda 2 ditëve nga marrja e njoftimit;

  
  

• Për renditjen në listën e publikuar në platformën u-albania: në datat 24–25 gusht 2026.

Trajtimi i ankesave bëhet sipas procedurës standarde të punës “Për zhvillimin e fazave të vlerësimit dhe testimit për pranimin në rolin zbatues dhe rolin e parë drejtues në Policinë e Shtetit”, miratuar me urdhër nr. 609, datë 16.04.2026.

Komisioni i shqyrtimit të ankesave, pas vlerësimit të tyre, merr vendim dhe e përcjell atë pranë Komisionit të Pranimit për vijimin e procesit. Njoftimi për vendimin bëhet nga sekretaria teknike e komisionit.

Shpallja e rezultateve dhe regjistrimi

Pas përfundimit të procesit të ankimimeve, Komisioni i Pranimit më 26 gusht 2026 publikon në u-albania listën përfundimtare të aplikantëve fitues, në rend zbritës.

Nga data 26 gusht – 8 shtator 2026, zhvillohet regjistrimi i fituesve, të cilët duhet të dorëzojnë dokumentacion shtesë, përfshirë:

a) Certifikatë të gjendjes gjyqësore;

b) Vërtetim për regjistrimin në kursin e lejes së drejtimit të automjetit (kategoria “B”);

c) Vërtetim nga gjykata se nuk janë në gjykim penal;

d) Vërtetim nga prokuroria se nuk janë në ndjekje penale;e) Vërtetim nga SPAK.

Në rast se pas raundit të parë nuk plotësohen kuotat e lira, procesi i aplikimit dhe regjistrimit rifillon sipas kalendarit të përcaktuar nga institucionet përgjegjëse të arsimit të lartë.

Të tjera

Procesi i pranimit në Policinë e Shtetit menaxhohet nga Drejtoria e Burimeve Njerëzore dhe Akademia e Sigurisë.

Në momentin e fillimit të studimeve, aplikantët nënshkruajnë kontratë me Akademinë e Sigurisë, ku përcaktohen të drejtat dhe detyrimet gjatë studimeve dhe detyrimit për të shërbyer të paktën 3 vite në strukturat e Policisë së Shtetit pas diplomimit.

Studentët që pranohen në ciklin “Bachelor” trajtohen sipas vendimit të Këshillit të Ministrave nr. 4, datë 09.01.2025, të ndryshuar.

Monitorimi i gjithë procesit kryhet nga Drejtoria e Standardeve Profesionale.

“KORÇA BOOM”