Irsa Metanj prezantohet si lojtare e Skënderbeut për sezonin e ri

Skënderbeu në volejboll për femra e fillon prezantimin e lojtareve për këtë sezon me një prej talenteve të veta. Bëhet fjalë për Irsa Metanj, një emër që po spikat gjithnjë e më shumë në volejbollin shqiptar të moshave.

E lindur në vitin 2008, Irsa është një nga sportistet më premtuese të gjeneratës së re dhe ka treguar cilësi të larta në të gjitha nivelet ku ka luajtur. Gjatë këtij viti, ajo ka qenë pjesë e formacioneve kryesore në skuadrat kombëtare dhe klubet ku është aktivizuar.

Ajo është shpallur kampione për tre vite radhazi me ekipin U-20 dhe gjithashtu ka fituar titullin kampion edhe me ekipin U-18. Ka qenë pjesë e gjashtës së parë në përfaqësueset kombëtare U-18 dhe U-20, duke dhënë një kontribut të rëndësishëm në arritjet e tyre.

Me ekipin kombëtar U-20, Irsa ka fituar medalje bronzi, duke u renditur në vendin e tretë, ndërsa me përfaqësuesen U-18 ka zënë vendin e pestë në Ballkaniadë.

Skënderbeu e nis kështu sezonin me besim te talenti dhe forcat e veta, dhe Irsa Metanj është një nga ato emra që pritet të lërë gjurmë jo vetëm në ekipin korçar, por edhe më gjerë në volejbollin shqiptar.

“KORÇA BOOM”