Ish-trajneri i Pogradecit merr drejtimin e një tjetër ekipi

Samuel Nikaj, ish-trajneri i Pogradecit, ka nisur një aventurë të re në karrierën e tij, duke marrë drejtimin e skuadrës së Burrelit në Kategorinë e Parë. Me një përvojë të pasur në futbollin shqiptar, Nikaj vjen në krye të ekipit pas një sezoni të suksesshëm që Burreli zhvilloi, duke synuar që skuadra të vazhdojë të ruajë nivelin e lartë të paraqitjeve.

Pas prezantimit zyrtar, Nikaj deklaroi:

“Që nga sot fillon puna për një tjetër mision të vështirë – ta mbajmë Burrelin përsëri në nivele të larta, pas sezonit fantastik që zhvilluan. Falënderoj pafundësisht drejtuesit që më besuan këtë projekt. Me ndihmën e Zotit nuk do t’i zhgënjej as ata, as tifozët e zjarrtë, që janë të mrekullueshëm.”

Ky emërim vjen në një moment kur Burreli synon të konsolidohet në Kategorinë e Parë dhe të ndërtojë një skuadër konkurruese për sezonin e ri. Me energjinë dhe përkushtimin e Nikajt, drejtuesit dhe tifozët shpresojnë për një tjetër sezon të suksesshëm.

“KORÇA BOOM”