JAVA 7 Kategoria e parë/ Të gjitha ndeshjet në një ditë e në një orë. Ja përballjet e nesërme!

Kategoria e parë rikthehet të luajë e gjitha në një orë e në një datë. Si rrallë herë në këto javë të deritanishme, e gjithë kategoria e parë do të startojë nesër në orën 14:00 dhe padiskutim që të gjitha përballjet janë interesante dhe të bukura.

Sigurisht që vëmendja është e gjitha në Gjirokastër atje ku nesër në orën 14:00 kemi sfidën e kësaj jave Luftëtari-Skënderbeu, një ndeshje ku bardhekuqtë do të kërkojnë të mos dalin pa pikë, por që kanë përballë një Luftëtar që kërkon të ndalë Skënderbeun.

Po nesër luan edhe Pogradeci ekip që vjen me trajnerin e ri dhe pavarësisht se luhet në transfertë ndaj Besës, liqenorët do të kërkojnë të marrin maksimumin.

Laçi që ndjek Skënderbeun luan nga ana e vet në transfertën e Kukësit, ndërkohë që edhe përballjet e tjera kanë interes të madh për objektivat që janë skuadrat në këtë sezon.

Më poshtë sjellim 6 çiftet e ditës së nesërme, ku të gjitha ndeshjet startojnë në orën 14:00. 

JAVA 7

E Diel (19 tetor 2025)

Ora 14:00 Kukësi – Laçi

Ora 14:00 AF Luftëtari – Skënderbeu

Ora 14:00 Besa – Pogradeci

Ora 14:00 Kastrioti – Iliria

Ora 14:00 Korabi – Lushnja

Ora 14:00 Apolonia – Burreli

“KORÇA BOOM”