Jo vetëm rivalë, por edhe kolegë, urimi i Gjokës bëhet shembull

Në sport, përtej konkurrencës dhe rezultateve, vlera qëndrore mbetet gjithmonë respekti dhe solidariteti mes kolegëve. Një shembull domethënës i kësaj fryme u pa së fundmi pas emërimit të trajnerit Çela në krye të skuadrës së "liqenorëve". Ishte trajneri Ernest Gjoka ai që, përmes një komenti të shkurtër por kuptimplotë, dha një mesazh mbështetës: “Urime trajner”.

Ky gjest i thjeshtë, por i sinqertë, vjen në një moment ku pritet me interes të shihet se si do të ecë skuadra nën drejtimin e Çelës, pas humbjes 1-0 ndaj korçarëve me Ard Memën në pankinë. Rivaliteti sportiv është i natyrshëm, por kur ai shoqërohet me vlerësim profesional dhe urime të ndërsjella, krijohet një model i shëndetshëm për të gjithë ata që ndjekin dhe kontribuojnë në futbollin shqiptar.

Tani mbetet për t’u parë nëse trajneri Çela do të arrijë të ndryshojë rrjedhën e rezultateve dhe të përballet me sukses përballë emrave të njohur si Gjoka, duke ruajtur gjithmonë frymën e respektit dhe garës së ndershme.

“KORÇA BOOM”