KATEGORIA E PARË/ Pogradeci pret Luftëtarin të premte, Skënderbeu ndaj Kukësit të shtunën!

Skënderbeu kryeson kategorinë e parë pas 5-së javëve të para bindshëm me 13 pikë, ndjekur nga Laçi me 9 pikë. Tashmë java e 6-të e kategorisë së parë është në prag, teksa pas dy ditësh priten të luhen dy ndeshjet e para.

Në bazë të kalendarit zyrtar të FSHF-së ndeshjet e javës do të luhen të ndara në dy ditë, të premten e 3 tetorit dhe të shtunën e 4 tetorit.

Java e 6-të do të hapet të premten e 3 tetorit me Pogradecin skuadër që do të presë në shtëpi Luftëtarin e Gjirokastrës, ndërkohë që njëkohësisht në Laç kurbinasit do tëp resin Apoloninë. Të dy takimet do të startojnë në të njëjtën orë, pra në orën 14:00.

Kategoria e parë do të vijojë më pas ditën e shtunë me 4 ndeshjet e tjera, teksa të gjitha ndeshjet do të luhen në orën 14:00.

Skënderbeu do të presë të shtunën e 4 tetorit në shtëpi Kukësin, një ndeshje që duket e lehtë në letër, por këtë do ta tregojë fusha e lojës. Në të njëjtën orë, Iliria do të presë Besën, Burreli pret Korabin dhe Lushnja ka përballë Kastriotin në myzeqe.

Më poshtë sjellim të gjitha ndeshjet e javës së 6-të me datat dhe oraret tashmë të zyrtarizuara: 

Java 6

E PREMTE 3 tetor 2025

Pogradeci – AF Luftëtari | 03.10.2025 – 14:00

Laçi – Apolonia | 03.10.2025 – 14:00

E SHTUNË 4 tetor 2-25

Iliria – Besa | 04.10.2025 – 14:00

Skënderbeu – Kukësi | 04.10.2025 – 14:00

Burreli – Korabi | 04.10.2025 – 14:00

Lushnja – Kastrioti | 04.10.2025 – 14:00

“KORÇA BOOM”