KATEGORIA E PARË/ Java e 14-të e gjitha në një ditë dhe në një orë. Ja duelet dhe dita kur luhet!

Pas javë së 13-të, tashmë kategoria e parë do të jetë e ngjeshur me ndeshje, teksa java e 14-të do të vijë shpejt, pasi luhet në mesjavë. Të mërkurën e 3 dhjetorit do të luhen të gjitha ndeshjet e kësaj jave, madje e veçanta është se të 6 çiftet e kësaj jave luhen në të njëjtën orë.

Pikërisht të mërkurë në orën 13:30, janë dy takimet ku padiskutim janë në qendër të vëmendjes, pasi përballen ekipet e kreut me njëra-tjetrën.

Skënderbeu, kryesues i kategorisë së parë, do të udhëtojë drejt Fushë-Krujës, teksa do të ketë përballë Ilirinë, një ndeshje që pritet me shumë interes sidomos për vendasit, pasi Skënderbeu me 34 pikë shkon i qetë edhe në këtë transfertë.

Vëmendja më e madhe do të jetë në Laç, teksa kurbinasit e vendit të dytë, presin Pogradecin e vendit të tretë dhe të dy skuadrat kanë nga 1 pikë diferencë me njëra-tjetrën.

Ndërkohë edhe ndeshjet e tjera kanë interes, por jo kaq sa duelet e kreut.

Më poshtë sjellim të gjitha përballjet e javës së 14-të që luhen të mërkurë dhe që startojnë në orën 13:30:

Java 14

(03.12.2025)

E MËRKURË

Ora 13:30 Laçi – Pogradeci

Ora 13:30 Iliria – Skënderbeu

Ora 13:30 Lushnja – Kukësi

Ora 13:30 Burreli – AF Luftëtari

Ora 13:30 Apolonia – Besa

Ora 13:30 Korabi – Kastrioti

“KORÇA BOOM”