Katër herë pranë v*dekjes, një mjek që nuk u dorëzua

“Kur hapa sytë, doktori ishte aty pranë meje, i rraskapitur… më kishin kthyer nga vdekja.”

Kështu nis rrëfimi tronditës i gazetarit kolonjar Muharrem Meko, një histori që duket si nga filmat, por që është 100 për qind reale. Një histori jete, kufijsh ekstremë dhe një vendimi që ndryshoi gjithçka.

Pak orë më parë, ai kishte kaluar katër hemorragji njëra pas tjetrës. Trupi i tij po dorëzohej, ndërsa mjekët kishin humbur çdo shpresë. Situata ishte kritike dhe çdo minutë dukej vendimtare. Gjithçka po shkonte drejt një fundi të pashmangshëm.

Por jo për të gjithë.

Në atë moment kur shpresa ishte shuar, një njeri refuzoi të dorëzohej: doktori Aurel Janko. I gjendur përballë një rasti ekstrem, ai kujtoi një teknikë të mësuar vite më parë një metodë që nuk ishte përdorur kurrë në atë situatë. Ishte një rrezik, një vendim i guximshëm, ndoshta shansi i fundit.

Ai vendosi ta provonte.

Një “eksperiment” që sfidoi protokollet, frikën dhe të pamundurën. Dhe që, kundër çdo parashikimi, funksionoi.

Sot, Muharrem Meko flet për herë të parë për ato çaste mes jetës dhe vdekjes, duke treguar jo vetëm dhimbjen dhe frikën, por edhe mirënjohjen e pafund për mjekun që nuk hoqi dorë. Një histori që të rrëqeth, të prek thellë dhe të kujton se ndonjëherë, mrekullitë ndodhin sepse dikush zgjedh të mos dorëzohet.

"KORCA BOOM"