Korça e vitit 1916: Kur një qytet u kthye në simbol kombëtar

Sot, Korça kujton me krenari një nga ngjarjet më të rëndësishme të historisë së saj – shpalljen e Republikës Autonome të Korçës. Kjo datë nuk është vetëm një përvjetor historik, por një dëshmi e qartë e shpirtit qytetar, emancipimit dhe vizionit europian që ka karakterizuar gjithmonë korçarët.

Më 10 dhjetor 1916, në një periudhë të trazuar për vendin, Korça pati guximin të artikulojë dhe të mbrojë vlerat e saj më të çmuara: vetëqeverisjen, identitetin kulturor, dinjitetin njerëzor dhe organizimin qytetar. Ky akt i rrallë për kohën jo vetëm që i dha qytetit një rol unik në historinë shqiptare, por shënoi edhe lindjen e një modeli administrimi dhe bashkëjetese që u admirua brenda dhe jashtë vendit.

Republika Autonome e Korçës u bë simbol i aspiratave për modernitet, arsimin, rendin dhe zhvillimin kulturor. Ajo dëshmoi se një qytet i vogël, por me një shpirt të madh, mund të jetë pararojë e qytetarisë, e vizionit për të ardhmen dhe e përparimit. Ishte një periudhë e shkurtër në kohë, por e jashtëzakonshme në ndikim; një pikë kthese që mbeti e gdhendur thellë në kujtesën e brezave.

Sot, 108 vite më vonë, kjo histori vazhdon të na frymëzojë. Ajo na kujton se Korça ka qenë dhe mbetet një qendër e identitetit kulturor shqiptar, një qytet që ka jetuar gjithnjë përpara kohës së vet, duke ruajtur thelbësoren: qytetarinë, kulturën dhe dinjitetin.

Urime Korçës, qytetit që ka ditur të japë shembuj të rrallë në histori.Urime të gjithë atyre që e duan, e nderojnë dhe e mbajnë gjallë këtë trashëgimi të çmuar.

Korca, Republika që la gjurmë në kohë!

"KORCA BOOM"