Kriza sjell dorëheqjen e parë të sezonit, trajneri largohet pas vetëm pesë ndeshjesh, klubi mbetet në kërkim të zgjidhjes

Sedat Pajaziti nuk është më trajner i Kukësit, 52-vjeçari ka dhënë dorëheqjen ditën e sotme, duke përfunduar kështu një aventurë të shkurtër në stolin e skuadrës verilindore.

Pajaziti mori drejtimin e Kukësit në korrik të këtij viti, por starti i dobët në sezon duket se ka qenë vendimtar në largimin e tij.

Në pesë javët e para të kampionatit, Kukësi ka grumbulluar vetëm 4 pikë dhe aktualisht ndodhet në vendin e 10-të në renditje.

Bilanci i tij në këto ndeshje përfshin një fitore, një barazim dhe tri humbje, çka ka sjellë jo vetëm pakënaqësi brenda klubit, por edhe presion nga ana e tifozëve.

Përballë këtyre rrethanave, Pajaziti ka vendosur të largohet vetë, duke lënë të lirë pankinën e Kukësit për një emër të ri.

Klubi pritet të dalë me një njoftim zyrtar në orët në vijim për të sqaruar më tej situatën dhe për të prezantuar hapat e ardhshëm.

“KORÇA BOOM”