KUPA E SHQIPËRISË/ Ja me kë luajnë Skënderbeu, Pogradeci, Maliqi, Devolli dhe gjithë ekipet e tjera

Është bërë publike skema zyrtare e Kupës së Shqipërisë për sezonin 2025-2026. Një turne ky shumë i rëndësishëm, ku skuadrat synojnë t’i shkojnë deri në fund për të fituar trofeun e dytë më të rëndësishëm në Shqipëri.

Për shumë ekipe, ky trofe është si “shpëtimi” i sezonit dhe si i tillë do të jetë edhe në sezonin e ri. Tashmë është zbuluar se ky turne do të nisë zyrtarisht më 1 tetor me turin paraeliminator.

Në këtë datë do të sfidohen mes tyre Adriatiku – Basania dhe Këlcyra – Gramshi, për të vazhduar më pas me fazën e 1/32-ave.

Në këtë fazë do të sfidohen mes tyre:

Luftëtari – Oriku

Flamurtari – Naftëtari

Valbona – Tomori

Burreli – Albanët

Kastrioti – Devolli

Apolonia – Besëlidhja

Lushnja – Butrinti

Iliria – Luzi

Vora – Maliqi

Erzeni – Sopoti

Besa – Shkumbini

Kukësi – Tërbuni

Pogradeci – Delvina

Korabi – Veleçiku

Gjithashtu rrugëtimin e tyre në këtë fazë e nisin edhe Laçi e Skënderbeu. Si kurbinasit ashtu edhe korçarët presin të mbarojë faza e 1/32-ave për të mësuar kundërshtarin e tyre.

Ndërkohë 8 ekipet e tjera të Superiores do ta nisin rrugëtimin e tyre në Kupën e Shqipërisë në fazën e 1/8-ave, ku presin të mësojnë edhe kundërshtarët e tyre.

Ndërkohë për fazën e ¼-ave do të hidhet shorti, ndërsa finalja e madhe është parashikuar të luhet më 13 maj 2026.  

“KORÇA BOOM”